موعد حب هو و هي

هو : اشلونج يا أعز
الناس عندي ...
هو الكلب كم احبيبة عندة .....
هي : هزني الشوك
علموعد أتانيك.... واعد بيدي الدقايق
وحده وحده......
وحده...... أثنين .......
هاي الثالثة تروح .....
أتاني وصار هالموعد اشبعده
نمت حسبالي....
أشوفك بالحلم جاي....
وكلت دمعاتي أحطهن وسط خدة
هو : نمتي .. هنيالج غفيتي...
وانة ليلي يمر على
عيوني صبح
الينيم وردة ويمسد عليها.....
مو مثل ليلي ينيم جرح.....
والغفة ابكلمة محنة ....
مو مثل الينام وبعينة ملح.....؟؟

هي : لا حبيبي
انة هذا الليل من يمرني دمعة ...وحزن ...وأشواك ... وحنين

وانة عيني عليك ما بطل دمعها ...
تبجي ما تسكت العين ....
هو : لا تبجين ...
أمسحي دمعتج
وارجوج لا تبجين ...
يل دمع جمر
وأخدودج أحلى اورود...
خايف على اخدودج من دموع العين ...

لا تبجين ...
وردة وتحترك وما تحمل النيران ...
تذبل كل وركها وتستحي من الطين ....

هي : وانت تكلي لا تبجين ...؟
مو عمري انتهى وأيامي كلها تروح ........
لو راح العمر متكولي أجيبة منين.......؟؟

هو : لا تبجبن ....
المن بعد المن تسوة دمعة اتطيح .....
هو أشباقي بينا .....؟
ونحترك كل حين ....
تعبنة القهر ممشى جزيرة وخوف ...
صار الماضي غلطة واحنة غلطانين ...؟؟
لا تبجين لو يسوه العمر يمكن بجينا اسنين.........

هي : شلون اتكلي لا تبجين ..؟؟

هو : لا تبجين ...

هي : تدري انت اليحب
ما يكدر اعله النار....
ويا نار بي أتفزز الميتين ...
أحتاج الدمع من ما أ شوفك يوم ...
لأن يصبح علي اليوم بخمس سنين ....

حبيبي لخاطري.....
لا تبتعد أرجوك........
ما أحمل فراكك.......
تدري كلش زين.......

هو : بس أرجوج لا تبجين .....
خوفي انة عليج من الدمع والله .....
مرات الدمع.....
ياخذ حلاة العين ....
ويل كلج ترافه أرجوج لا تبجين.....

الله الله والله روعة ومقابلة لطيفة وجميلة بين الحبيب والحبيبة ......... جو مفعم بالحب والانس .......عاشت ايدك حبيبي الغالي مصطفى ...... تقبل مروري .......